مسافر فى بحر من العشق و الأحزان

الحلم داير ع البيوت يفتح بيبان المستحيل   عصفور ينقر ع الإزاز  و يزيح ستاير حايشه نور الشمس يدخل سوسنه  تمسح على عيون الصبيه النعسانين .. و تصحى بلبل قلبها قايم يغنى للنهار  ..... مشوار ..... و مشيت بالليل مشوار معاك  .. مستنياك ..  مستنياك يا فجر تطلع كام سنه    ..... مستنياك ..... من كتر ما شفت الإيدين على وسط البنات ... و الرقص داير فى البيوت  من كتر ما شفت العيون نظره و بتدارى الخجل .. و الرمش ناصب مندبه من كتر ما شفت الكاسات و المايوهات .. صهيون معربد فى البارات و الرمل الأصفر .. أرض موسى .. و الفشل باين فى عين كل الولاد من يوم ما شفتك يا عروسه بتلبسى توب الحداد  ...... أنا خفت موت ...... و لبست توب الصمت حازز ع الوتر .  . غنيت غناوى المستحيل و الحلم دار عصفور ينقر ع الإزاز .. يفتح شبابيك الأمل .. و يقول يا سينا ......... موش مستحيل .........  إن العيون تفرش رموش النصر يوم تكتب على وجه التاريخ هكسوس . تتار . صهيون . عيون موسى هتفضل طاهره فوق وجه التاريخ موش مستحيل اليون نكون .. زراع خضار عودك صبيه بتعشقى كل الولاد و السمر تسقيهم عصير الإ